Fashion Icon|高个子欧美时尚博主完美搭配

高冷闷骚少女Rachel 2018-03-07 13:12:43

相信睇过我公众号嘅朋友都唔难发现,以往推亲D时尚搭配好多都系围绕小个子嘅,对于follow我D朋友具体几高我就唔清楚了,不过肯定有高有矮嘅,可能follow我嘅高个子内心会觉得Rachel推亲D时尚搭配点解好多都系围绕小个子嘎,会唔会大细超咗D,个人认为,高个子着衫选择真系多过小个子多多声咯,不过高个子嘅朋友如果你地系搭配发面灵感有所缺乏,今期你地有着数啦!!!因为今期达人Rachel要为大家推嘅就系高个子时尚博主搭配,供咁多位高个子参考下!!!

Chiara Ferragni


Chiara Ferragni,一个来自意大利米兰嘅拥有177 嘅高挑身材以及甜美外表嘅时尚博主,系Bocconi 大学读法律,绝对系一名不折不扣嘅学霸!!!因为系博客share自己嘅穿衣搭配,好快,佢嘅博客受到好多人嘅欢迎!!!亦都因此获得媒体嘅关注!!!




黑T衬牛仔短裤外搭牛仔马甲,简单得嚟不失时髦!!!同时大show白滑长腿,绝对吸睛!!!


Deep V白T配牛仔裤,简洁清爽大方,随性得嚟不失性感!!!



浅蓝色条纹针织衫配破洞白色长裤,头上加顶浅蓝色cap帽,cap帽同上衣相呼应。Perfect!!!



我个人最中意哩个look!!!全黑造型配上黑超认真有型有款!!!加件红黑格仔外套令到成个造型好sharp醒!!!

通过以上造型,唔难发现略带酷感嘅甜美style系Chicara嘅拿手好戏!Chiara Ferragni出色嘅色彩搭配功力、"软硬兼施"嘅层次混搭都带嚟无限穿衣灵感!



Kristina Bazan


Kristina Bazan,来自瑞士嘅时尚博主,身高173,拥有金发碧眼,精致五官,犹如芭比一样甜美可人!!!外表就真系好省镜了,但系时尚博主都系人,都会有自己嘅缺点,而Kristina腿略粗,系唔少女仔都常见嘅梨型身材!!!唔信你地睇下!!!



不过,腿粗其实都唔系咩大问题,况且Kristina系时尚博主,自然有高超嘅搭配功力扬长避短!!!


一身高腰白色长裙充满女神范!!!同时完美掩盖略粗嘅双腿!!!配上简洁干练扎发,无可挑剔!!!


白恤衫配宝蓝色阔脚长裤外披卡其色风衣!!!优雅与帅气并存!!!


中袖横条纹T配蕾丝短裤,简洁得嚟不失甜美!!!少女感满满!!!


作为知名时尚博主,无论系复古名媛、帅气中性、性感女郎抑或系洒脱干练,Kristina都能够完美驾驭!!!


Andy Torres

Andy Torres,来自墨西哥嘅时尚博主,身高181,典型衣架身材!!!


浅色休闲套衫配黄色印花短裙,配以厚底凉鞋,整体造型色彩简洁活力十足!!!黄色印花短裙highlight整个造型!!!掂!!!



整体造型以黑色为基底,外穿牛仔衬衫外套打破暗色沉闷,豹纹手袋点缀整个look!!!



恤衫衬前排扣半裙加短靴帅气型格!!!流苏包包细节感十足!!!配白色镂空蕾丝及绑带鞋!!!女人味爆灯!!!

通过以上造型,唔难发现休闲混搭、优雅妩媚、中性帅气等多种style都俾Andy完美消化!!!

Zanita Morgan


Zanita Morgan,来自澳大利亚嘅时尚博主,model出身,有颜有腿,所以做model嘅同时亦都做埋时尚博主。同时,每次街拍都能够俾人一种眼前一亮嘅感觉!!!


自古红蓝出CP!!!红色针织衫配蓝色牛仔短裤,加对小白鞋,清爽活泼大方!!!


花恤衫配啡色长裤,营造一种法式复古韵味!!!优雅十足!!!


黑白蓝清爽配色,条纹T衬boyfriend风牛仔裤,好适合身材高挑嘅女仔!!!一头短卷发更加系亮点!!!显得风情万种!!!



Zanita Morgan的搭配主要是六十年代美式复古路线,Zanita Morgan嘅搭配法则,系有个人特色嘅同时亦都有保留当季流行元素以及复古味道。




请用留言轰炸我!!!


Copyright © 广州内衣价格联盟@2017