小姐,你呢条系长裤定短裤呀?Fashion嘅嘢,你识条春咩!

金句王 2019-01-16 03:19:25

点击上方 ↑↑ 即可关注「金句王」



呢排天气时冻时热,着得少落街又惊吹到病呀,着得多呢一上到车又焗到死,搞到都唔知着乜出门口好。不过呢个妹妹就醒呢,学佢咁着,一定冇得输!




哦,冬天着短裤出街啫,好多囡囡都系咁爱靓唔爱命架啦,冇乜出奇。咁谂你就错喇!睇清楚啲!佢果条系本年度最潮嘅「唔长唔短裤」呀!条裤表面上系「短少少嘅长裤」,实质上又系「长少少嘅短裤」,由大髀开始加入流行镂空元素,个大窿一直穿到落小腿,脚眼先轻轻包一包返对脚。


嗱嗱嗱,Fashion嘅嘢,你识条春、识条铁咩!唔好笑人哋呀,韩国囡囡都系咁着住嚟又唱又跳架!




呢个发明真系几伟大,夏天就正面行路,冬天就倒转行路,fit晒。小编都俾呢条裤启发,谂咗件冬暖夏凉T恤出嚟!啱晒想有安全感又唔钟意束缚嘅人,仲要男女都着得架!够100个赞嘅话,小编就亲身示范,唔好走宝呀!






金句王

微信号:jinjuking

睇金句王,爽过去爆房!
每日发布粤港澳第一手开心嘢!
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy


Copyright © 广州内衣价格联盟@2017